Os magos Benxamín e Pablo chegan ao Burgo dentro do Circuíto Galego de Maxia
A maxia fará as delicias dos pequenos cullerdenses o vindeiro xoves, 5 de decembro. O Circuíto Galego de Maxia, que alcanza este ano o seu VIII edición, chega ao Concello de Culleredo a través da función que ofrecerán o Mago Benxamín e o Mago Pablo.
O espectáculo, pensado para un público de carácter familiar, terá lugar desde as 19.30 horas no Edificio de Servizos Múltiples do Burgo. A entrada será gratuíta, sendo necesario recoller invitación 30 minutos antes do inicio da actuación.
O evento está organizado pola Concellaría de Cultura de Culleredo, a Asociación Galega dás Industrias Culturais (AGADIC) e a asociación Meigos Profesionais de Galicia.
O Concello anima ás familias a aproveitar a véspera do festivo acudindo a un espectáculo de maxia “galega e de calidade”.