Enviar a un amigo
Opinar
ImprimirOs alumnos do Conservatorio incluirán panxoliñas clásicas no Concerto de Nadal no Auditorio de Vilagarcía
O Conservatorio Profesional de Música de Vilagarcía pecha o primeiro trimestre do curso co Concerto de Nadal que terá lugar mañá a partir das 20:0 horas no Auditorio. Ademais de poñer en práctica o aprendido dende setembro interpretando obras do repertorio que están a traballar, os alumnos tamén quixeron darlle un aire navideño á actuación incluíndo no programa varias panxoliñas clásicas e populares. A entrada é libre e de balde.
No concerto de mañá intervirá un elevado número de alumnos do centro que actuarán como solistas con piano acompañante, dúos e tríos de música de cámara, agrupacións instrumentais e vocais. O repertorio será moi variado, tendo especial relevancia a celebración do Nadal.
O Grupo de Guitarras do grao elemental que prepara a profesora Begoña González interpretará a popular panxoliña “25 de Diciembre” e o Gloria, de Gruber. Eugenia Fernández Taboada interpretará a piano o Menuet BWV 116 do Álbum de Ana Magdalena Bach.
Nicolás Monteagudo, ao trombón, interpretará Air de la Suite nº 3 de J. S. Bach, acompañado de Vladimira Smausova ao piano.
A estudante de violín Elena Rodríguez Oubiña, tocará o 1º movimiento del Adelaide Concerto de Mozart, con Javier Vila como pianista acompañante. Mentres que Alba Piñeiro, tambén con Javier Vila como pianista acompañante, interpretará con frauta dous movementos da Sonata en Sol M de Haendel.
O programa segue coa actuación do trompetista Jaime Nine que tocará a Sonata de Veracini con Vladimira Smausova. O trío de frautas formado por Carmen Gondar, Celia Redondo e Belén Aragunde interpretarán a Beethoven; e a música de Cámara estará representada por tres grupos. Penélope Cervelo, ao piano e Adrián Martínez, ao bombardino interpretarán Concertpiece de P. V. de la Nux. O grupo de trombóns tocará a panxoliña popular Rudoplh,e Chalumiaux, o Grupo de Clarinetes do Concervatorio interpretará a Suite de Nadal do portugués Pereira Alves.
Os alumnos máis novos, os de 1º e 2º curso do grao elemental interpretarán dúas cancións populares, sumándose posteriormente a eles os alumnos de 3º e 4º para interpretar todos xuntos a panxoliña Ya sale la aurora. O repertorio que interpretarán os máis cativos traballouse a lo longo do trimestre na materia de Educación Auditiva e Vocal.
O concerto rematará cos alumnos do coro do grado profesional interpretando tres pezas, Riu, Riu, Ave Marí e Navidades Blancas, dirixidos por Fernando Ruibal.
