Ortigueira reparte un centenar de árbores ornamentais entre comerciantes e hostaleiros

Máis de medio centenar de comerciantes e hostaleiros do municipio sumáronse á campaña de Nadal 2013-2014 que promove a Concellaría de Emprego e Medio Ambiente co ánimo de dinamizar as compras no comercio de proximidade do municipio. Por segundo ano, o elemento central da campaña foi a repartición de árbores ornamentais destinados a crear ambiente do Nadal nas rúas.

A iniciativa tivo especial acollida no núcleo urbano onde boa parte dos comercios locen nas súas entradas os abetos cedidos polo consistorio, xa debidamente decorados, contribuíndo así a unificar a imaxe dos establecementos. En total, o departamento que dirixe Adolfo Maragoto repartiu 104 arbolitos (dous por establecemento).

Terminadas as festas, o concello procederá á recollida das árbores que, na súa maioría foron, solicitados por comerciantes do núcleo urbano. Despois promoverase, con axuda dos escolares do CEIP José Mª Lage, unha xornada destinada replantar aqueles exemplares que se atopen en boas condicións.

Non é a única iniciativa activada polo goberno local dentro da súa campaña de apoio ao sector durante estas festas. De feito, desde hai días a entrada e a saída do núcleo urbano dispón dous arcos de luz na Estrada Xeral; e contouse con xa animación musical no mercado semanal da Ponte da Constitución; escena que se repetirá o xoves 19 de decembro.

Desde a Concellaría de Emprego e Medio Ambiente confían en que as accións de imaxe comercial, animación de rúa e promoción de vendas previstas desde o consistorio contribúan a impulsar o volume de negocio do comercio comerciante polo miúdo local de face ás festas do Nadal.