O Santiago Futsal trata de asinar a mellor primeira volta na casa da súa historia

O Santiago Futsal pecha este sábado a primeira volta en casa con derbi ante Burela a partir das 18h e con este partido podería asinar a mellor primeira volta da súa historia en casa, onde non cedeu nin un só punto. O obxectivo dos de Santi Valladares é asinar o seu 6 de 6, e sumar 18 puntos ante a súa afección, que se converteu na aliada perfecta na tempada na que máis abonados conseguíronse no club.

Aínda que outras tempadas logrou máis puntos na primeira volta en casa por disputar máis partidos (20 puntos na 10/11 con 6 vitorias e 2 empates; 19 puntos na tempada 12/13 con 6 vitorias e 1 empate; 19 puntos na 05/06 con 6 vitorias e 1 empate), esta sería a súa tempada máis redonda ao gañar todos os puntos posibles ante a súa afección, reto que espera manter o máximo posible.

Os de Santi Valladares non perden no Multiusos desde o 26 de Abril, na vixésimo quinta xornada de liga, onde Elpozo Murcia levou a vitoria a 12 segundos do final. Desde entón oito vitorias (5 en liga na tempada 13/14, 2 en pretemporada e 1 no play-off polo título da tempada pasada).