O Santiago Futsal recibe ao Hospital Llevant Manacor para pechar o ano

Mañá celébrase a décimo sétima xornada de liga onde o Santiago Futsal recibe ao Hospital Llevant Manacor para pechar o ano no Multiusos Fontes do Sar a partir das 19h. Os santiagueses buscarán continuar invictos na súa casa ante a súa afección logrando o tres puntos ante o equipo dirixido por Tomás de Deus.

O Santiago Futsal, que actualmente é sexto con 23 puntos, mentres que Hospital Llevant Manacor é décimo segundo con 14 puntos. No partido da primeira volta na Palma Area, houbo repartición de puntos tras empatar a uns.

Para este partido, Tomás de Deus poderá volver contar co ex porteiro do Santiago Futsal, Carlos Barrón, que volve á que fose a súa casa até hai pouco máis de 3 meses, que entra de novo na convocatoria tras estar apartado da pista tras sufrir unha rotura fibrilar.

Pola súa banda, Santi Valladares non poderá contar con Diego Quintela que terá que cumprir un partido de sanción tras a súa expulsión o pasado venres no derbi ante Azkar Lugo. Tampouco poderá contar con Santi nin Mario Costa por lesión, polo que a convocatoria complétana: David, Barroso, Palomeque, Loito, Eloy Vermellas, Juanjo (p), Pablo Tallón, Hugo, Raúl (p), Chus, David Pazos e Hamza. Os árbitros do encontro serán Arce Ruiz e de Juana González do colexio cántabro. O partido será retransmitido en directo pola segunda canle da TVG.

Sala de prensa

Santi Valladares compareceu en rolda de prensa esta mañá, afirmando que “Manacor ten un gran persoal e con Carlos Barrón na portaría reforzan o posto no que estaban máis frouxos. Melloraron moitísimo con respecto ás primeiras xornadas e é un equipo que está a crecer, porque ademais ten persoal para facelo. Ademais, nos últimos partidos  colleu unha boa dinámica, o que lle fai ter máis confianza”.

O adestrador do Santiago Futsal espera un partido igualado, aínda que non sabe por onde sairá o técnico contrario: “Tomás sempre ten algo preparado para tratar de sorprender. Haberá que ver como vai o partido e segundo iso actuaremos. Por exemplo, a Inter xogoulle de cinco moitísimo  tempo, a Jumilla tamén. Non sei si a nós sacaránolo, pero é unha situación que manexan ben, tanto para ter o balón como para facer dano”.

Con respecto á baixa de Quintela, Santi Valladares considera que “polo seu estado de forma e pola profundidade que nos dá, é unha baixa importante, pero o que sempre dicimos, que os que quedan na cancha terán que achegar o que el nos dá”.

Outra información de interese

Desde as 16h celebrarase no mesmo Multiusos Fontes do Sar o I Triangular de Nadal “Operación Quilo” no que participarán os equipos infantís de Santiago Futsal, Hospital Llevant Manacor e Vigo 2015. Os horarios dos partidos son os seguintes:

16h: Vigo 2015 vs Hospital Llevant Manacor

16,45h: Santiago Futsal vs Vigo 2015

17,30h: Santiago Futsal vs Hospital Llevant Manacor

O club colaborará coa Operación Quilo, polo que se colleitará comida non perecedoira destinada a Cáritas de Fontiñas, San Pedro e Milladoiro. Ademais, por cada quilo de comida entregada, poderá entrar un neno/a menor de 13 anos.

As entradas para o partido xa están á venda nas oficinas do club aos prezos habituais: Adulto 10€ e Infantil 1€. Os abonados poderán retirar até 2 entradas a 5€ cada unha, só en venda anticipada (até hoxe venres ás 20h).

Tamén está aberta a campaña de abonados da segunda volta, na que os afeccionados poderán retirar o seu carné aos seguintes prezos: Adulto: 40€; Reducida (Estudantes < 25 anos; Parados > 6 meses; Xubilados; Carné Xove; Federados; Xogadores da Agrupación de Veteranos): 30€; Xuvenil (de 13 a 18 anos): 15€; Infantil (menores de 13 anos): 5€. Ademais, todos aqueles que se fagan o Cartón Dental Macía no seu centro dental en Milladoiro, recibirán gratis o seu carné de abonado.

No descanso do partido sortearanse uns cascos Stereo cortesía de Star Center e unha cea para dúas no Hotel Oca Porta do Camiño.

Tamén continúan á venda as rifas para a macro cesta de Nadal valorado en máis de 2000€!! Onde se atoparán:

– Aloxamento + Almorzo + Spa para 2 non Hotel Balneario Compostela

– 2 relojs valorados en 200€ da Xoiaría Kotshka

– Fornecido de embutidos da Charcutería Seco

– Vale de 100€ para a Praza de Abastos

– 2 sesións de presoterapia / electroestimulación ou plataforma vibratoria en Multiestetic

– Balón asinado polo persoal do Santiago Futsal

– Mariscada para 6 persoas de Mariscos Benavides

– Navegador GPS, cortesía de Cenor

– Vale de 200€ na Carnicería Mancebo

– Xamón Gran Reserva, cortesía de Café Bar Polígono

– Fornecido de gominolas de Pecados de Compostela

– 2 entradas para o “Multixogo”

– Set de perfumaría

– 2 horas de uso da pista de pádel do Multiusos

– TV Portátil con Reprodutor Multimedia TDT

– Fornecido de “Pedras de Santiago”