publicidade hoxe

O Pazo Municipal dos Deportes acolle o V Trofeo Cidade de Lugo de baile deportivo

PUBLICADO EN: Noticias de GaliciaDeportesLugo
A-
A+

O Concelleiro de Deportes, José Manuel Díaz Grandío, Berta Figueras e Ruben Díaz da Escola de Baile Star Dance, presentaron esta mañá o V Trofeo Cidade de Lugo de Baile Deportivo, que se disputará este domingo a partir das 12:00 horas no Pazo Municipal dos Deportes de Lugo.

Díaz Grandío destacou o enorme esforzo que “leva a cabo este clube deportivo para poder celebrar na nosa cidade unha competición destas características, puntuable para o Campionato de España e que se está afianzando dentro do calendario deportivo” e animou a todos os cidadáns a disfrutar co baile “que tamén é un deporte federado”.

Según destacou Rubén Díaz, serán 100 as parellas participantes que chegan dende diferentes puntos de Galicia, España e dende Portugal que serán xuzgados por cinco árbitros nacionais. As demostracións serán de baile deportivo no que destacan as modalidade de Standard e Latinos. Ademais destacou que a idade dos participantes vai dende os 2 anos dos máis pequenos, e que farán unha exhibición con 10 parellas de baile, ata os maiores de 55 anos. A venda de entradas será no propio Pazo Municipal dos Deportes.

19 de decembro de 2013 | 18:29 • Sen comentarios

Comentarios pechados.