O Jofre acollerá a Mostra de Corais de Persoas Maiores de Ferrolterra

O Concello de Ferrol, a través da Concellería de Benestar Social que dirixe Rosa Martínez Beceiro, organiza o vindeiro xoves, día 19 de decembro, a Mostra de Corais de Persoas Maiores de Ferrolterra que se celebrará no Teatro Jofre. Este evento dará comezo ás 17:30 horas e a entrada é gratuíta con invitación, que poderá ser retirada no despacho do teatro municipal a partir do vindeiro martes 17.

No que atinxe á mostra, participarán 7 agrupacións corais, que son as seguintes: Coro Residencia de Maiores Xeriatros-Ferrol; Coral “Airiños” de Caranza; Coral “Eterna Xuventude” do Centro Sociocomunitario  de Fene; Coral da Terceira Idade “Estrelas do Mar “ de Cedeira; Agrupación Musical do Centro de Maiores Novacaixagalicia de Ferrol; Conservatorio de Música Xan Viaño (Grupo Cbrass) e o Coro Julianitos.