O grupo de teatro afeccionado de Lousame representará “Comedia” na Casa da Cultura de Porto do Son

O grupo de teatro afeccionado de Lousame actuará este sábado 28 de decembro, ás 19:00 horas, na Casa da Cultura de Porto do Son, onde representarán a obra “Comedia”. Tratase dun espectáculo creado polo director do grupo, Gustavo García Dieste, e que está inspirado nas obras e personaxes máis coñecidos dos xograres italianos do século XVII.

“Comedia” é unha obra onde cobran especialmente importancia os sons, as músicas, os xestos dos actores, as máscaras venecianas… En Porto do Son actuarán dez actores do grupo de teatro afeccionado de Lousame: Suso Tubío, Cayetano Pais, Marisol Creo, Ángeles Rial, Paula Moledo, Noelia González, Vanesa Tubío, Laura Moreira, Adriana Castro e Ángela Pérez. Estarán dirixidos por Gustavo García Dieste.