O Concello de Ares acolle o I Trofeo de Chave de Nadal

As Concellarías de Deportes e de Servizos Sociais están detrás do que será o primeiro Trofeo de Chave de Nadal Concello de Ares, que se desenvolverá este mes no parque municipal Rosalía de Castro. Nomeadamente, a competición de chave terá lugar os días 20, venres, 21, sábado, e 22, domingo, xornada na que está previsto que se leve a cabo a final de dito trofeo.

Unha vez rematado o torneo, procederase á entrega de agasallos, na que estarán presentes responsables do goberno local.