O Carballiño organiza a V carreira Solidaria Arenteiro

A área de Deportes, xunto co de Sanidade, organizan un ano máis a carreira Arenteiro, aínda que este ano ten algunhas novidades. A primeira dela é a data de celebración, o 29 de decembro, e a segunda é que parte do recadado polas inscricións será doado a distintas ONG de Ou carballiño como Cartitas e Cruz Vermella, desta forma, apuntaba o edil de sanidade Martín Nogueira “convidamos a que participe o maior número de corredores, xa que cada participante é unha axuda máis para estas agrupacións que, á vez, están a axudar a moita xente nestes tempos que por desgraza estamos a vivir”.

Rodrigo González Hermida adiantou que a carreira terá varias categorías, desde alevín, infantil, cadetes, adultos e, outra novidade, bebes, que realizarán unha carreira a gatiñas. Os máis pequenos terán a inscrición gratuíta, e recibirán todos medallas, e o resto pagarán 3 euros para as categorías alevín, infantil e cadete, e  o resto 6 euros.

Os interesados poderán inscribirse na área de Deportes do concello do Carballiño, ou en Cronotec. Contarán para esta carreira con patrocinadores como Gadis, Aceites Abril e a Deputación de Ourense.