O Arquivo Municipal da Coruña incorpora fondos do avogado e militar Antonio Quiñones Carballos

O Concello da Coruña, a través da Concellaría de Cultura que dirixe Ana Fernández, informa de que o Arquivo Municipal ha incorporado aos seus fondos documentos do arquivo persoal do avogado e militar Antonio Quiñones Carballos, falecido en 1994, grazas á doazón da súa viúva María Concepción Branco Seijo.

O arquivo, aínda que fragmentario, é fonte documental para o estudo dos inicios e funcionamento da Comisaría de Recursos da 8ª Zona, con sede na Coruña, que comprendía o catro provincias galegas, dependente da Xeral de Abastecementos e Transportes. Memoria, fotografías, títulos e libros de homenaxes forman parte deste fondo no que sobresae un dos libros de firmas contido nunha artística arqueta, correspondente aos representantes da Industria e Comercio de Galicia, obsequio en recoñecemento ao seu labor en prol do desenvolvemento das actividades económicas, do ano 1943. Aínda que a maior parte dos documentos refírense a Antonio Quiñones, consérvanse fotografías familiares e o título de cabaleiro da Orde de San Juan de Xerusalén a favor de Adriano Quiñones Fernández Baeza de 1860.