“I Concurso de xogos tradicionais” en Ortigueira

A Concellaría de Deportes organiza mañá sábado, aproveitando as vacacións do Nadal o “I Concurso de xogos tradicionais”. A proposta está especialmente orientada aos máis pequenos da casa e conta con máis de setenta nenos/as inscritos.

Un total de 75 participantes están anotados para tomar parte nesta actividade lúdica, completamente gratuíta e aberta a veciños/as de entre 3 e 12 anos, que se desenvolverá a partir das 16 horas no pavillón municipal, situado xunto ao CEIP José Mª Lage.

Durante toda a tarde, e da man das monitoras de Mundo Diversión, está previsto que se sucedan as competicións de xogos populares como a ra, a ferradura, a rayuela, a chave ou a corda. Non faltarán tampouco clásicos como as carreiras de saco, os zancos ou a peonza e, como complemento para os máis atrevidos, un paracaídas infantil.

Finalmente, cabe sinalar que haberá medallas para quen gañen as distintas probas e un premio para quen decida disfrazarse e convértase no mellor Papá Noël.