Gran éxito do “I Triangular de Nadal Operación Quilo”

Coincidindo co partido do pasado sábado entre Santiago Futsal e Hospital Llevant Manacor, celebrouse o “I Triangular de Nadal Operación Quilo” entre os equipos infantís do Santiago Futsal, Hospital Llevant Manacor e Vigo 2015, que desde as 16h disputaron o seu particular torneo benéfico cos seguintes resultados:

Hospital Llevant Manacor 3-7 Vigo 2015

Vigo 2015 1-1 Santiago Futsal (venceu o Santiago Futsal a penaltis)

Santiago Futsal 1-3 Hospital Llevant Manacor

Ademais, antes do comezo do partido do primeiro equipo, o presidente do Santiago Futsal, D. Ramón García, fixo entrega a cada equipo dun trofeo pola súa participación no mesmo.

Esta gran experiencia entre os pequenos, serviu de escusa para a xornada benéfica, na que se recolleron contorna a 200kg de comida non perecedoira, que os afeccionados do Santiago Futsal achegaron ao acudir ao partido, e que xa foi recollida para repartir entre os máis necesitados, por Cáritas Fontiñas, San Pedro e Milladoiro.