Falece a moza de 20 anos do accidente de tráfico en Santiago

Unha moza de 20 anos, T.E.F. que resultou ferida na madrugada deste sábado nun accidente en Santiago de Compostela faleceu no Hospital Clínico da cidade a consecuencia das lesións sufridas, segundo confirmaron fontes da Policía Local.

O accidente produciuse na SC-20, o periférico que une a Avenida de Lugo coa estrada de A Coruña. Como consecuencia do sinistro resultou tamén ferido outro mozo de 24 anos, M.S.P., e ambos os dous foron trasladados ao Clínico, pero a moza de 20 anos faleceu no centro sanitario.

Segundo informaron fontes do servizo de Urxencias Sanitarias 061-Galicia, o accidente aconteceu ás 5.18 horas da madrugada. Ata o lugar desprazáronse, entre outros, unha ambulancia asistencial e outra medicalizada deste servizo, así como Policía Local de Santiago.