Enviar a un amigo
Opinar
ImprimirEntrega de axudas aos emprendedores lalinenses para a posta en marcha de microempresas
O alcalde de Lalín, José Crespo, e a concelleira de Actividade Económica, Comercio e Emprego, María José Batán entregaron esta mañá aos emprendedores beneficiarios as axudas municipais para o fomento do emprego. Nesta primeira edición do programa aprobáronse 11 solicitudes que posibilitaron a posta en marcha de 15 postos de traballo directo.
Crespo destacou o “estímulo” que estas axudas supoñen ao emprendemento e indicou que nuns momentos especialmente difíciles o Concello está a facer o esforzo na medidas das súas posibilidades para a mellora da empregabilidade. Ademais dos 11 emprendedores beneficiarios destas axudas dixo que se contrataran 79 traballadores a través dos plans de emprego da Deputación, co obradoiro de emprego <Agrolalín> e cos programas de cooperación.
E anunciou que a finais do ano que vén se conta ter en marcha o viveiro de empresas que posibilitará que emprendedores teñan un lugar onde desenvolver os seus proxectos a través do “coworking” e cun alquiler simbólico.
