Culleredo reforza a vixilancia con Policía Local de paisano e contrata a eliminación dos vertedoiros incontrolados do municipio

O Concello de Culleredo quere pór punto final aos vertedoiros incontrolados que ás veces aparecen en puntos illados do municipio. O goberno municipal xa ten desde hai días en fase de contratación a eliminación destes vertedoiros que supoñen un atentado contra o medio ambiente e un problema de salubridade pública. Con esta adxudicación retiraranse todos os residuos acumulados nestes puntos. A contratación pecharase de inmediato polo que vos traballos levarán cabo de forma inminente. A estas tarefas de eliminación dos vertedores sumarase un reforzo na vixilancia dos puntos máis susceptibles deste tipo de prácticas.

Aínda que as principais competencias nesta materia corresponden ao Seprona ou á Policía Autonómica, o Concello, dentro das súas posibilidades, traballa para evitar estes vertedoiros. Precisamente, desde o mes pasado, o Concello dispón do servizo de Policía Local de paisano, que permite localizar aos autores destas condutas incívicas con maior facilidade. Desa forma, os axentes puideron identificar a tres acodes depositando lixo no Burgo fóra dos colectores, o que lles supuxo unha sanción de até 1.500 euros. Así, a Policía Local efectuará tarefas de control por estas zonas para tratar de localizar a quen tente volver depositar residuos fóra dos lugares habilitados.

O goberno de Culleredo apela á conciencia cívica para non realizar este tipo de verteduras de lixo que só danan ao medio e ao resto de cidadáns. O Concello lembra que existe un punto limpo en Ledoño onde se poden depositar de forma gratuíta todo tipo de residuo. Descoordinación do BNG A pesar de que o Concello de Culleredo xa contrata este servizo, o BNG parece non haberse decatado, o que pon de relevancia o problema de descoordinación que existe entre o seu grupo municipal e a formación política. O goberno local lamenta o oportunismo deste grupo tentando gañar notoriedade á conta dunha problemática que sabe que corresponde principalmente a outros organismos.

A problemática de vertedoiros incontrolados é por desgraza habitual en moitos municipios e require un traballo conxunto de concienciación e sensibilización en lugar dun mero aproveitamento político.