As brigadas de mantemento de Ponte Caldelas mitigan os efectos da ciclogénesis explosiva

Operarios do servizo de mantemento do Concello de Ponte Caldelas percorren os principais viarios de comunicación interior do municipio co fin de mitigar os efectos do paso da ciclogénesis explosiva e en previsión de que as novas borrascas que ameazan con entrar de novo, nas próximas horas, na Península Ibérica polas Rías Baixas non provoquen máis danos.

As brigadas de mantemento centran a súa urxente intervención na retirada de árbores que obstruyen o paso nos viarios do municipio ou no corte daqueles que ameazan o seu esborralle sobre a vía pública, ademais de proceder á limpeza das ramas e restos de cortizas que supoñen un perigo para a seguridade viaria. Así mesmo, os operarios procederon a recoller sinais danados polo efecto do forte vento sufrido nos pasados días e a proceder ao seu recolocación naqueles casos nos que era posible.

Tamén se procedeu a recolocar de novo colectores de recollida de lixos e demais elementos do mobiliario urbano que foran movidos por efecto do forte vento. Está a realizarse tamén unha revisión urxente de tajeas, cunetas, tragantes e aliviadoiros de augas pluviais co fin de desatascar as follas, ramas e demais material arrastrado por efecto do vento e a choiva.

Así mesmo, en previsión de que nas próximas horas cheguen novas borrascas con abundante choiva procedeuse, por parte dos operarios municipais, a revisar as inmediacións do río Verdugo co fin de preservar, no posible, os efectos do previsible aumento do seu caudal e a forza das augas que adoita arrastrar troncos, árbores e demais sedimentos fluviais.