Afeccións no tráfico por obras nas rúas da Coruña

A Concellaría de Mobilidade informa das seguintes afeccións:

-Con motivo da reposición dun elemento publicitario (mobiliario urbano) será necesaria a ocupación parcial da vía San Andrés á altura da Rúa Alta entre as 6.30 e as 7.30 horas de mañá, 3 de decembro.

-Con motivo da execución de xuntas de dilatación na avenida Alfonso Molina-viaduto San Pedro de Mezonzo, que levará a cabo entre os días 3 e 14 de decembro en horario nocturno de 22.00 a 7.00 horas, será necesaria a ocupación de dous carrís deixando sempre libre outro carril de circulación.

-Con motivo da obra de fresado e asfaltado na rúa Tulipanes e na praza da Milagrosa,  será necesario o corte total das citadas rúas os días 4 e 5 de decembro. Na praza da Milagrosa executarase a obra o xoves 5 de decembro sendo necesario o corte do acceso desde a avenida de Alfonso Molina.