AFAL fai entrega dos diplomas do Curso de Coidador de Persoas Dependentes aos alumnos participantes

Entrega de diplomas

Vinte e cinco persoas concluíron con éxito o Curso de Coidador Sociosanitario de Persoas Dependentes, promovido por AFAL Ferrolterra. Unha acción formativa recoñecida de interese sociosanitario polo Sergas e acreditada pola Sociedade Galega de Gerontología e Xeriatría. O acto de entrega dos diplomas celebrouse o pasado venres na aula de Formación da asociación, situada na súa sede da rúa Río Castro. Neste sentido, a presidenta de AFAL, Milagres Prieto Gondell, avanza a intención da entidade de convocar nos próximos meses unha nova edición, despois de que a demanda superase as 25 prazas ofertadas e fose necesario abrir lista de espera.

O obxectivo do curso é dotar aos coidadores da información, coñecementos e habilidades necesarias para desenvolver de forma eficaz o seu papel. Así mesmo, busca mellorar a autoestima dos coidadores principais e proporcionarlles información sobre recursos sociosanitarios.