A Strauss Festival Orchestra pechará cun gran concerto de ano novo a tempada no Jofre

O Teatro Jofre de Ferrol acollerá o vindeiro martes, día 31, o Gran Concerto de Ano Novo a cargo da Strauss Festival Orchestra, a partir das 12.00 horas. As entradas pódense retirar no despacho do teatro municipal ou ben adquirir en internet, a través da páxina www.ferrol.es (Apartado Axenda Cultural).

O programa do concerto, inspirado na tradicional cita musical que cada ano se celebra en Viena, inclúe os títulos de vals máis coñecidos: “Napoleón”, “Festa das Flores”, “O vals do Emperador” ou “Champagne”. Non faltará o vals máis célebre de todos: “O Belo Danubio Azul”, nin a maarcha Radetzky que, acompasada coas palmas do público, pechará a velada.