A limpeza intensiva de rúas en Vilagarcía chega aos barrios da Lomba e Xunqueira

Os barrios da Lomba e da Xunqueira serán escenario esta semana da batida das máquinas da campaña intensiva de limpeza de rúas. Os operarios municipais empezaron hoxe a realizar os traballos manuais de limpeza de tragantes e arquetas para que as máquinas poidan empregarse a fondo na limpeza propiamente dita de beirarrúas, calzada e contedores de lixo o mércores e o xoves, xa que o venres é festivo. Nesta última fase os estacionamentos deberán quedar libre de vehículos ata que rematen as labores de limpeza.

As rúas afectadas o mércores, 4 de decembro, serán a Avenida Matosinhos, a rúa Arousa e José Viqueira Barrio. As máquinas de Cespa traballarán nestas tres rúas entre as 7 e as 10 da mañá. A continuación, entre as 10 e as 13 horas, pasarán a limpar as rúas Pío XII e A Xunqueira.

O xoves proseguirá a campaña cunha quenda de 7 a 10 da mañá e que afectará ás rúas Limoeiro e Agustín Romero (confluencia Avenida Matosinhos con Vandorra) e outra, entre as 10 e as 13 horas, que tocará ás rúas Vella, Lomba, Alta, Pepín e Porto do Río.