A limpeza de rúas chega á zona do mercado e ás avenidas da Mariña e Rodrigo de Mendoza

O Concello prosegue a campaña intensiva d elimpeza de rúas cunha nova fase a desenvolver a semana que ven e que afectará á zona do Mercado, ás avenidas da Mariña e Rodrigo de Mendoza e á rúas dos barrios das Carolinas e da Florida. O concelleiro de Servizos prega a máxima colaboración dos condutores e donos de vehículos, especialmente, o xoves, xornada na que está prevista a limpeza da Avenida Rodrigo de Mendoza, unha das principais arterias de circulación do municipio. Os aparcamentos deben quedar libres para permitir o paso das máquinas limpadoras.

A cuarta fase da campaña intensiva de limpeza terá unha xornada máis de duración xa que comezará o martes. Este adianto débese á que deste xeito se aproveitan as medidas habituais do operativo de limpeza do mercado que se desenvolve este día da semana, para acometer a limpeza intensiva nesa zona. Por esa mesma razón, os traballos desenvolveranse en horario de tarde, en concreto entre as 15:00 e as 17:45 horas. Como a zona de aparcamentos xa se despexa pola mañá para a celebración do mercadiño, a única consecuencia respecto a un martes normal é que as rúas abriranse ao tráfico 45 minutos máis tarde que o habitual.

Como nas semanas anteriores, a campaña desenvolverase en horario de mañá entre mércores e o venres. O mércores, 11 de decembro, entre as 7 e as 10 da mañá a maquinaria de Cespa procederá a limpar a fondo a Avenida da Mariña entre a confluenza con Conde Vallellano e a de Rivero de Agular. Ese mesmo día de 10 a 13:0 horas procederase á limpeza das tres travesías da Avenida Rodrigo de Mendoza (a que pasa por detrás da clínica de Jacinto, a da esquina do bar Andaina e travesía número 24) ademais da rúa Castiñeiro.

O xoves, 12 de decembro acometerase a limpeza da Avenida Rodrigo de Mendoza. Para interferir o menos posible na circulación rodadaprimeiro limparase un carril da calzada e logo o outro. Os traballos comezarán na rotonda da Luz Salgada ás 7 da mañá para continuar cara Doutor Tourón ata as 10. A partir das 10 realizarase a limpeza no carril contrario, dende a Glorieta da mariña Española ata a rotonda da Luz Salgada.

A actuación do venres será menos complicada no que ao tráfico se refire xa que afecta a rúas de moita menos intensidade. Entre as 7 e as 10 da mañá limparanse as rúas Valladares, Blanco Amor, Merlo e Xílgaro, e desde as 10 e ata as 13 horas as máquinas emplearanse a fondo na Avenida das Carolinas (no tramo comprendido entre as rotondas da Luz Salgada e de Larsa) e nas rúas A Coca, Bubela e Florida.

Como nas semanas anteriores, o concelleiro de Limpeza volve a advertir que para que a limpeza se faga de xeito satisfactorios os aparcamentos das rúas deben estar completamente libres para permitir a actuación das máquinas e para non atrasar o operativo especial. Por iso, Longa insiste en pregar a máxima colaboración dos cidadás. Pola súa banda, o Concello informará previamente con folletos e valas sobre as zonas nas que está previsto actuar.