A Escol a de Música O Pallarego de Mondoñedo ofrecerá un concerto nun “Nadal de cine”
“Un Nadal de cine” é o título co que se presenta o concerto de Nadal que ofrecerá a Escola Municipal de Música “O Pallarego” de Mondoñedo, mañá venres, 20 de decembro a partir das 20.30 horas no Auditorio Municipal Pascual Veiga.
Os alumnos e alumnas da Escola porán en escea distintas obras de bandas sonoras de películas de renome. A música e o cine estarán presentes na xornada de mañá no Auditorio.
Actuarán o Grupo de Música e Movemento; o Coro Infantil; o Grupo Cellos; o Dúo de Guitarras; a Orquestra Infantil; o Grupo Infantil de Percusión; Tutti Percusionistas; Ensemble de Clarinetes; o Coro Mestre Pacheco e a Banda Pascual Veiga; todas elas formacións pertencentes á Escola de Música.