A alcaldesa de Marín condena a morte dunha veciña e mostra o seu rexeitamento á violencia de xénero

A alcaldesa de Marín, María Ramallo, mostrou o seu rexeitamento polo caso de violencia de xénero ocorrido neste municipio pontevedrés, onde unha muller foi localizada morta o pasado xoves no seu domicilio e a súa parella foi detida en relación aos feitos.

   “Esta situación nunca debía haberse producido, non hai ningún tipo de motivo para chegar a este extremo no que a vítima se ve privada da súa vida e a súa liberdade”, lamentou.

   Segundo indicou, desde que se coñeceron os feitos o pasado xoves, o Concello de Marín estivo “pendente da investigación”, que o sábado motivou a detención da parella da muller, home que este domingo ingresado en prisión comunicada e sen fianza.

   Ante este suceso, a alcaldesa explicou que este luns, ás 12.00 horas, terá lugar unha concentración ante o Concello da localidade para condenar este caso de violencia de xénero.

   Ademais da rexedora e de todos os grupos municipais, ao acto está previsto que acuda o Subdelegado do Goberno na provincia de Pontevedra, Antonio Coello.