Unha treintena de alumnas completan o grupo da novidosa actividade de zumba en Carral

O martes 3 de decembro darán comezo as clases do grupo de mañá da escola municipal de zumba. O horario será martes e xoves de 10.00 a 11.00 h da mañá no Pavillón de Espiño.

A oferta municipal deste novo grupo en horario de mañá, completa os outros dous grupos que desde primeiros de outubro veñen impartindo en horario de noite. Con este novo grupo pretendeuse dar cabida a moitos dos inscritos na lista de espera da actividade así como ampliar esta oferta deportiva a aquelas persoas con dispoñibilidade horaria que desexan realizar unha actividade que lles manteña en forma e ao mesmo tempo pasalo ben.

En total son agora máis de 110 alumnas/volas inscritas na actividade nos diferentes grupos e aínda que a escola está aberta a todo o mundo, maior de 14 anos, a maioría das participantes son mulleres, sendo os homes só 5 do total de alumnos.

O prezo desta actividade será, como o resto das escolas deportivas, de14 € ao mes, estando aínda aberto o prazo de inscrición que poderán formalizar na Casa da Cultura, no teléfono 981.672.580 ou no mail deportes@concellocarral.com.