Pontevedra vístese de festa cun magosto popular e a apertura de Benito Corbal

A celebración do magosto e a estrea do tramo peonil de Benito Corbal serán os motivos polo que Pontevedra estará esta tarde de festa. Terá que celebrar a nova unión do centro histórico co ensanche da cidade, a través da recén remocicada rúa de Benito Corbal, que levará os tránsitos peonís do centro histórico ao ensanche e á inversa.

O alcalde e a varios concelleiros da Corporación participarán esta tarde nos actos preparados nas prazas da Verdura, da Ferraría e en Benito Corbal. Ás 18.00 horas comezará o magosto organizado pola Concellaría de Festas na praza da Ferraría na que se darán castañas e viño de balde, e organizaranse obradoiros infantís para o público máis miúdo.

Ás 19.00 horas a atención estará centrada no tramo peonil de Benito Corbal onde a Banda de Música de Pontevedra dará un concerto inaugural deste novo espazo público gañado para a cidade e os seus cidadáns, seguindo os máis altos estándares de calidade urbana.