O Santiago Futsal organiza en decembro o “I Campus de porteiros”

O Santiago Futsal organiza o “I Campus de porteiros” o próximo venres 6 de Decembro orientado a nenos e nenas nacidos entre 1998 e 2007. Esta primeira edición do Campus atende á gran demanda xurdida a partir de campus anteriores para o traballo específico de porteiros en idades de formación.

O Campus terá lugar de 10 h a 14 h e de 16 h a 19 h no Pavillón de Fontiñas e o prezo de inscrición é de 25 €, sendo gratuíto para os nenos que xoguen do Santiago Futsal. Haberá un límite de 40 prazas e é imprescindible inscribirse antes do martes día 3 de Decembro ás 14 h, acudindo ás oficinas do club, escribindo un correo electrónico a administración@santiagofutsal.com ou chamando o 981.11.50.38.

Este Campus contará coa presenza dos dous porteiros do primeiro equipo: Juanjo e Raúl Jerez. Ademais, contará coa colaboración do Concello de Santiago, Kelme e Soloporteros, que regalarán marchandizaxe aos nenos que participen no Campus, que tamén serán invitados ao derby do 7 de Decembro entre Santiago Futsal e CD Burela Pescados Rubén, que se celebrará no Multiúsos Fontes do Sar a partir das 17 h.