O piragüismo galego entrega os seus premios o vindeiro 23 de novembro

A gala do piragüismo galego celebrarase o próximo sábado, a partir das 18.30 horas, no auditorium do edificio da Xunta de Galicia en Monteporreiro (Pontevedra). No acto entregaranse os trofeos da campaña 2013 nas distintas competicións e terase un recoñecemento para os 43 padexeiros galegos que participaron nalgunha regata internacional. Entre os asistentes sortearase diverso material deportivo.

Iván Alonso, gañador de dous campionatos de europa e un do mundo de maratón ademais dun subcampionato, foi elixido como o mellor deportista masculino da tempada. Na categoría feminina, Teresa Portela, que logrou a medalla de prata en K-1 200 metros no Campionato de Europa disputado en Montemor O Velho (Portugal), foi designada como o mellor padexeiro.

Diego Romero, Rubén Millán e Tania Fernández foron declarados como a mellores promesas, mentres o Kaiak Tudense, campión de España, foi o mellor club. Ramón Fernández foi designado como mellor árbitro, mentres Rodrigo Tiebo se leva o galardón pola súa traxectoria deportiva e Marcos Terzado o da superación.

Na gala entregaranse os premios correspondentes ás 17 ligas que organiza a Federación Galega de Piragüismo. Dende a liga galega de pista, tamén a de promoción, infantís e crías, veteranas, ríos e travesías, slálom, augas bravas, kaiak de mar e kaiak polo, a actividade durante o 2013 mobilizou a case tres mil padexeiros.