O goberno de Negreira concede 120.000 euros a 93 proxectos de fomento do deporte na cidade

O Concello da Coruña, a través da Concellaría de Deportes que dirixe Francisco Mourelo, informa da concesión dun total de 120.000 euros 93 proxectos presentados para realizar actividades de promoción e fomento do deporte. En total presentáronse 105 proxectos de 66 entidades da cidade á convocatoria pública de subvencións do Concello da Coruña para fomento do deporte, das que 12 non cumprían algún dos requisitos.

A principal novidade desta convocatoria foi a de incluír aquelas entidades que reciben axuda directa municipal e que deben ampliar o seu calendario de competicións ao conseguir que algún dos seus deportistas se clasifique para competir en campionatos de España. Deste modo, preténdese axudar a estes clubs e asociacións a cubrir gastos imprevistos.

A convocatoria estaba aberta, ademais, a programas de actividade física; proxectos de deporte para todos, que promovan o deporte en todos os sectores da sociedade; deporte autóctono e na natureza; e actividades deportivas de carácter extraordinario. Valorouse, especialmente, que as propostas presentadas fomentasen o deporte base colaborasen con programas municipais, o seu interese e desenvolvemento, así como a capacidade organizativa de cada proxecto.