O goberno de Catoira impulsa unha Rede Local de Circuítos de Ocio de Calidade

O Concello de Catoira, en colaboración coa Federación Española de Municipios e Provincias (FEMP) e o Ministerio de Sanidade, está a poñer en marcha o programa Rede Local de Circuitos de Ocio de Calidade, encamiñado a que os locais adheridos poidan proporcionar un servizo de calidade, saudable, responsable e seguro ós clientes.

Unha das actuacións previstas para acadar o obxectivo marcado céntrase na reciclaxe e formación do persoal. Para iso, ofértase a propietarios e empregados dos locais hostaleiros de Catoira un curso que se impartirá na Escola de Hostalaría-Centro Integrado de Formación Profesional “Compostela” (Lamas de Abade – Santiago) os días 25 de novembro e 2 de decembro en horario de tarde. O programa do curso versará sobre a dinamización da oferta na restauración, a atención á clientela, elaboración de cócteles e tapas fríos e quentes,  a normativa vixente e as medidas de seguridade e prevención de riscos.

As 26 persoas de Catoira que xa se inscribiron neste curso recibirán, en compensación polo desprazamento, 20 euros por cada día de asistencia.