O Espazo Expositivo do Centro Cívico de Malpica acollerá a mostra “Arredor de Malpica”
Mañá sábado día 30 de novembro ás 12.30 h. o Alcalde de Malpica Sr. Eduardo J. Parga Veiga e o pintor Sr. Xurxo Martinho inaugurarán a volta a Malpica da exposición Arredor de Malpica organizada pola Academia de Pintura Altaira.
A exposición Arredor de Malpica composta por cadros dos alumnos de Xurxo Martinho tivo un anticipo no mes de agosto durante o cal un avance da mesma foi exposta ao público no Mercado Municipal. Nesta ocasión o Espazo Expositivo do Centro Cívico aloxará a exposición completa ata o 6 de xaneiro de 2014.