O deporte e o fútbol sala como ferramenta para a reinsercción social

Por 12º ano consecutivo, o primeiro equipo do Azkar Lugo FS visitou esta tarde aos presos internos do Centro Penitenciario de Monterroso. Alí o conxunto lucense é sempre ben recibido. Os funcionarios e recluídos reciben sempre cun sorriso aos xogadores e técnicos, é unha tradición, unha rutina que se repite ano a ano e algo que xa non impacta nin a uns nin a outros.

Xa dentro do penal, tras atravesar porta tras porta, o obxectivo é único e común para toda a expedición do club: facer sorrir aos presos durante unhas horas e abrigo que se tomen o deporte como unha ferramenta básica para a súa saúde, para o bo trato do seu corpo e que a práctica deportiva a utilicen para lograr a reinserción social unha vez cumpran condena.

A Fundación Azkar e o Azkar Lugo FS son dúas entidades coñecidas entre a poboación recluída. Así o manifestaban os presos pertencentes á selección de xogadores que hoxe se enfrontaban ao primeiro equipo do Azkar. Len a prensa para ver como marcha todo fora e así llo transmitían aos xogadores do Azkar intercambiando impresións antes do partido, un encontro no que unha vez máis o resultado era o de menos (vitoria do Azkar 2-8).

Os presos que asiduamente practican deporte e lles gusta o fútbol sala esperan este día con emoción, así o aseguran eles mesmos, para eles é importante ver que xente do exterior lles axuda, e non se cansan de agradecelo continuamente. Iso é o que máis enorgullece aos profesionais do Azkar Lugo FS e da Fundación Azkar, saber que unha vez que abandonan o penal fixeron feliz a xente que por uns motivos ou outros se atopan privados de liberdade.

A colaboración entre o club lucense e a Fundación Azkar coa Dirección do Centro Penitenciario de Monterroso é realmente importante e así o demostran estes 12 anos de colaboración, non só cos partidos ante os internos, senón con outro tipo de actividades como charlas que se celebraron noutras ocasións ou monitores de fútbol sala que teñen dirixido sesións de adestramento de cara aos recluídos.