O Concello da Coruña presenta o II Trofeo Eixo Atlántico ‘Cidade da Coruña’ de hóckey a patíns

O Concello da Coruña, a través da Concellaría de Deportes que dirixe Francisco Mourelo, informa de que a segunda edición do Trofeo Eixo Atlántico Cidade dá Coruña de hóckey a patíns categoría SUB 17, celebrarase na Coruña os días 7 e 8 de decembro. A iniciativa está cofinanciada polo Concello da Coruña, o Eixo Atlántico e a Unión Europea no marco do proxecto europeo Eixo Interior e ten como obxectivo promover o deporte base e o turismo deportivo, ademais de conseguir que este trofeo se converta nun referente de máximo nivel do hóckey a patíns base. A organización contará co apoio técnico da Asociación de Clubs Coruñeses de Hóckey a patíns.

Tras convocar a todos os concellos do Eixo Atlántico, confirmaron a súa asistencia 12 dos mellores equipos de Galicia e Portugal, trátase do Liceo, a Compañía de María, Dominicanos, Santa María del Mar, Santiago de Compostela, Travesas de Vigo, HC Braga, A.D. Penafiel, Dragon Force, ED Viana, Famaliçense e Barcelos.

Os partidos disputaranse no Pazo de Deportes de Riazor e no Polideportivo de Monte Alto, en encontros de dous tempos de 20 minutos, cun descanso de 5 minutos, a tempo corridos e cun tempo morto por equipo.

Tras a enquisa de satisfacción realizada na primeira edición – con resultados moi positivos – e como principal novidade, o venres 6 de decembro, celebrarase unha charla formativa para adestradores a cargo do seleccionador portugués Luis Sénica.

Tras a realización do sorteo, este foi o resultado:

Palacio de Deportes de Riazor

GRUPO A
Dragon Force
Liceo
Vigo

GRUPO B
Compañía María
Peñafiel
Famalicense

Polideportivo de Montealto.

GRUPO C
Braga
Sta. Mª del Mar
S. Compostela

GRUPO D
Dominicos
ADB Campo (Barcelos)
Viana