Nigrán acolle a inauguración de novos cursos para desempregados

Participantes no curso de ofimática

A concelleira de Promoción empresarial, Comercio e Emprego, Rosa Rodríguez, inaugurou hoxe dous novos cursos para desempregados en Nigrán, que se impartirán nas instalacións do Centro Antena durante as próximas semanas.

O curso de ofimática, que se imparte en horario de mañá cunha duración de 50 horas, está dirixido a 15 persoas en situación de desemprego que queiran adquirir coñecementos nesta área, de gran importancia para mellorar o perfil profesional de face á procura de emprego. No segundo, que se desenvolve en horario de tarde, os 20 participantes aprenderán as principais características e necesidades en atención hixiénico-sanitaria das persoas dependentes a domicilio, así como á correcta administración de alimentos e tratamentos e a mellorar as capacidades físicas e de primeiros auxilios.