Momentum Project recluta ideas de emprendemento social en Vigo

Vigo é a primeira cidade galega que albergará un encontro sobre Momentum Project, programa posto en marcha por BBVA e ESADE, coa colaboración da Fundación PwC, para impulsar o emprendemento social. A Asociación de Mozos Empresarios, AJE-Galicia, xunto coa Fundación Barrié, é a organizadora deste encontro que pretende dar a coñecer en Vigo a convocatoria de Momentum Project de 2014, recrutar novas ideas e reunir investidores e emprendedores.

Momentum Project vai dirixido a aqueles emprendimientos que formulen iniciativas innovadoras e sostibles e que contribúan á resolución de retos sociais e ambientais enmarcados en ámbitos de impacto diversos como a educación, a inserción sociolaboral, o acceso á vivenda, o medio, a participación cidadá, etc.

Este programa selecciona e financia proxectos deste tipo en España, México e Perú. Nos últimos tres anos axudou a desenvolver 40 emprendimientos sociais, dos cales dous son galegos. A empresa Freshcut, de Vigo, que fomenta hábitos de consumo saudables a través da comercialización de verdudas e froitas; e Saraiva, de Pontevedra, que busca mellorar a calidade de vida das persoas maiores.

O encontro terá lugar o próximo 3 de decembro na sede da Fundación Barrié de La Maza, en Vigo. Contará coa presenza da directora de Programas Sociais de BBVA, Lidia del Pozo, o director de programas de ESADE, Alfred Vernis, e emprendedores e mentores que participaron en Momentum Project. Ademais, estarán representantes das empresas Freshcut e Saraiva.

A xornada está aberta a todo o público.

PROGRAMA:

19:30 Benvida a cargo de Javier López Martínez, director xeral da Fundación Barrié de La Maza.
19:40 Presentación Momentum Project
Lida do Pozo (BBVA)
Alfred Vernis (ESADE)
20:15 Mesa de experiencias Momentum Project

Emprendedores:
Lucía Saborido (Saraiva)
Ramón Navarro (Freshcut)

Mentores:
Noel Bobes (BBVA)
Eladio Crego (ESADE)
Alumnos ESADE
Joan del Val
Gerard Martínez