Modificacións no tráfico por obras nas rúas da Coruña

A Concellaría de Mobilidade, que dirixe Begoña Freire, informa dos seguintes cambios de tráfico:

-Durante as noites dos próximos días 28 e 29 de novembro, entre as 23.30 e as 07.00 horas, será necesario o corte total de tráfico na rúa Juan Neira, desde Rafael Dieste até o final desta vía, con motivo dos traballos de insonorización das tapas de rexistro de saneamento da rúa Juan Neira. O tráfico procedente de camiño da Igrexa desviarase pola rúa Rafael Dieste. En todo momento permitirase o acceso aos garaxes afectados-

-Con motivo da reparación dun punto de luz en cálea Cabaleiros, número 15, será necesario o corte de carril de entrada cara a Catro Camiños desde a avenida Alfonso Molina. Realizarase mañá, 28 de novembro, en horario nocturno, entre as 03.30 e as 04.30 horas. A alternativa de acceso á zona de Catro Camiños será pola avenida Fernández Latorre.