Fene inicia o programa “De peques a maiores: compartindo espazos”

O concello de Fene dende a Área de Servizos sociais, igualdade e educación, leva a cabo  o programa de peques a maiores: compartindo espazos, no que se enmarca ESPAZOS COMPARTIDOS, subvencionado pola Deputación da Coruña.

Esta  aberto o prazo de matricula ata o día 11 de novembro, para  facer entregar da ficha de inscrición nos centros  educativos de primaria.

As sesións desenvolveranse nos  centro escolares de primaria realizaranse  grupos para o alumnado de 1º a 3º de Primaria e grupos para o alumnado de 4º a 6º

Inicio a partir do 18 de novembro  – Remate no mes  de maio.

O programa consta de dous ámbitos de intervención:

ESPAZOS EDUCATIVOS:

Estes espazos teñen como obxectivo adquirir ferramentas necesarias para o estudio e o desenvolvemento persoal, potenciando as habilidades persoais e reforzando habilidades instrumentais básicas. Todo isto utilizando o xogo, a creatividade, concentración, atención, lectura, comprensión, ….

As sesións están destinadas para alumnado de 6 a 12 anos.

ESPAZOS FAMILIARES:

Realizaranse dúas sesións ao mes coas familias interesadas. Asesorarase sobre o papel da familia no estudo, aprendizaxe e no crecemento dos nenos e nenas. Así como no seguimento dentro dos grupos.

Chamarase  as familias que os/as fillos/as están inscritos informando do día e hora e logo se anunciara con carteis xa que está aberta a todas as familias do termo municipal

A coordinadora deste programa é a pedagoga municipal, Mª José Paz Rodríguez.