Emilio Martínez Rodríguez toma posesión do cargo como Xefe da Policía Local de Ferrol

Presentación do novo Xefe da Policía Local de Ferrol

O alcalde de Ferrol, Jose Manuel Rey Varela, presidiu hoxe a toma de posesión do Xefe da Policía Local, Emilio Martínez Rodríguez. O acto, que tivo lugar no despacho de Alcaldía, contou coa presenza do concelleiro de Recursos Humanos, Alejandro Langtry Caínzos.

Martínez Rodríguez asume o posto en comisión de servizos por un ano. Procede do Concello da Coruña, onde era Inspector Principal da Policía Local. Coa esta última incorporación, o persoal do corpo de seguridade da Administración ferrolá incrementouse en doce persoas no que levamos de mandato. Destes doce novos axentes, 8 correspóndense a prazas de mobilidade e os 4 restantes a convocatoria libre.

O progresivo aumento de axentes municipais e a reorganización do corpo forma parte do compromiso do Goberno Municipal de fortalecer a seguridade cidadá e a proximidade dos axentes, aumentando a presenza destes na rúa.