Detida na Coruña por agredir a axentes da autoridade sen motivo aparente

Ás 20.40 horas do día 27, unha dotación policial detivo, na avenida de  A Sardiñeira, a unha muller por un presunto delito de atentado a axente da autoridade. Dita  muller comezou a insultar aos policías sen motivo aparente, polo que os axentes achegáronse a ela para tentar tranquilizala e solicitarlle que se identificase. Neste momento, tamén sen causa aparente, esta persoa comezou a porse moi nerviosa e propinou un golpe no ombreiro e tentou dar unha patada a un dos policías. Por todo isto, os axentes procederon a deter á muller. Visto o estado de extremo nerviosismo e a estraña maneira de actuar desta muller, os axentes procederon a trasladala á PAC da Casa do Mar, onde o médico derivouna ao CHUAC para revisión por parte do psiquiatra de garda. Unha vez no hospital, dita muller continuou nun estado de extremo nerviosismo, chegando a golpear no peito a unha sanitaria e a cuspir a un dos policías. Os feitos foron postos en coñecemento do xulgado de garda, quedando a muller ingresada no CHUAC en calidade de detida, á espera dos pertinentes exames psiquiátricos.