Desaloxan varios edificios na Coruña por motivo dun incendio

Un incendio sen feridos rexistrado na tarde deste luns nun piso en A Coruña obrigou a desaloxar varios veciños tanto do edificio onde se iniciou o lume coma dos lindantes.

Segundo informaron fontes da Central de Coordinación 112-Galicia, o lume iniciouse pouco despois das 18.00 horas nun quinto piso do número 3 da rúa Juan Sebastián Elcano. Os veciños alertaron os servizos de emerxencias ao ver lapas saíndo das ventás da vivenda.

Ata o lugar desprazáronse efectivos dos Bombeiros, da Policía Local e de Protección Civil. Segundo fontes policiais, as lapas obrigaron a desaloxar algúns pisos tanto do edificio onde se iniciaran as lapas coma dos lindantes, aínda que non se rexistraron feridos.