Davide Salvado presenta o seu novo traballo discográfico “O ladrón de amorodos” no Centro Cultural Torrente Ballester

Davide Salvado subirase pasadomaña xoves, día 21, ao escenario da capela do Centro Cultural Torrente Ballester dentro do ciclo “As Noites en Capela”, da Concellería de Cultura do Concello de Ferrol, para presentar o seu novo traballo discográfico O ladrón de amorodos. O concerto comezará ás 21:00 horas e as entradas pódense adquirir de maneira anticipada no despacho do Teatro Jofre ou ben a través de Internet, na páxina www.ferrol.es (apartado Axenda Cultural).

Este novo espectáculo de Davide Salvado xunto ao acordeonista Santi Cribeiro (Berrogüetto) e o percusionista e gaiteiro Cristian Silva, no que a voz e as percusións tradicionais teñen o protagonismo. Inspirado nos fermosos deseños do artista Willian Morris, o concepto estético cumpre un importante papel neste espectáculo, sendo o mesmo tempo cen por cen galego. Un traballo feito dende o corazón, un agradecemento a todas esas virtuosas da pandeireta e bailadoras maiores, mulleres fortes e anónimas, que ensinaron a Davide a ser o que é.