Curso de defensa persoal feminina en Vedra
Aproveitando a cercanía do 25 de novembro, día internacional de rexeitamento á violencia de xénero, a Asociación Berenguela pola Igualdade oferta un curso de defensa persoal para mulleres.
Esta iniciativa pretende achegar á muller rural á realidade da violencia machista a través da defensa como ferramenta de seguridade e de mellora da autoestima.
A actividade desenvolverase durante os meses de novembro e decembro nun total de 5 sesións e facendo un total de 10 horas.
O prezo será de 10 € por persoa e o prazo de inscrición estará aberto no teléfono municipal 981 814 691 ata o 15 de novembro.