Culleredo comeza unha campaña de recollida de xoguetes para as familias con poucos recursos do municipio

O Concello de Culleredo, dende a área de Cooperación e Voluntariado, lanza unha campaña de recollida de xoguetes co obxecto de achegar as festas do Nadal a todos os nenos do municipio. E é que as familias beneficiarias serán aquelas cullerdenses que presente necesidade, segundo os informes dos servizos sociais municipais.

O próximo luns, 25 de novembro, é a data marcada para que empece esta iniciativa solidaria. Estará aberta ata o venres 20 de decembro, co obxecto de que as familias dispoñan dos xoguetes tanto para o Nadal coma para Reis. O Concello repartirá, nos diferentes centros escolares de Culleredo e nos centros municipais, as caixas para a recollida de xoguetes así como dos carteis publicitarios da campaña.

Os cidadáns poderán contribuír á proposta depositando nestas caixas os xoguetes, que deben estar limpos e en bo estado de conservación. Segundo se vaian enchendo, o goberno local irá gardándoos no centro municipal Pablo Picasso.

Alí levaranse a cabo os labores de revisión, limpeza e empaquetado dos xoguetes, tarefa desenvolvida por persoal e polos voluntarios da Oficina Municipal de Voluntariado. Os regalos clasificaranse por idades dos nenos receptores, co obxecto de entregar a cada familia os que máis adáptense aos pequenos.

A concelleira de Promoción Económica, Marta Iglesias, sinala que o Concello pretende con esta campaña por unha parte crear unha conciencia solidaria entre a poboación cullerdense, e por a outra, contribuír dun xeito eficaz á igualdade de bens materiais entre os nenos e nenas do municipio. A edila sinala que se garante así que todas as familias con poucos recursos económicos, poidan ser perceptoras de regalos para o nadal.

Igrexas agradece a implicación dos voluntarios, fundamentais para esta acción. A Oficina Municipal está aberta a contar con máis persoas para esta e outros labores. Os interesados poden contactar co Concello. O goberno de Culleredo anima a poboación a facer un esforzo e colaborar coa campaña para que todos os pequenos do municipio conten con regalos nas próximas festas.