Convocadas as axudas para a adquisición de regalos de Reis

O alcalde de Ortigueira, Rafael Girón, asinaba esta mañá as bases da convocatoria de axudas de Reyes. O obxectivo desta iniciativa da Concellaría de Benestar Social é garantir que ningún neno/a do municipio se quede o próximo Nadal sen regalos, ofrecendo para iso axudas económicas para a adquisición dos obsequios.

A iniciativa solidaria consiste na concesión dunha axuda de pagamento único destinada ás familias con menor nivel de recursos do municipio para facilitarlles a compra do regalo de Reis para os seus fillos, ou menores acollidos. Estes han de ter idades inferiores aos 12 anos, que se ampliarán ata os 16 anos, no caso de que os menores sufran algunha minusvalía física ou psíquica recoñecida.

Xoguetes, libros e/ ou material didáctico ou deportivo entran dentro dos gastos subvencionados con cargo a este programa que fixa a contía individual por menor en 50 euros, que serán utilizados en calquera comercio do municipio. Entregarase un vale de compra polo importe correspondente que poderá cambiarse en establecementos de Ortigueira, favorecendo ademais con iso o comercio local.

Poderán beneficiarse destas axudas as familias que estean empadroadas dende hai máis dun ano e teñan residencia no concello dende hai máis dun ano e cuxa renda mensual ponderado de calquera procedencia (salarios, pensións, subsidios…) non supere en 1,5% o salario mínimo interprofesional, unha vez deducidos os gastos de aluguer de vivenda, o que permitirá ampliar a nómina de potenciais beneficiarios/ás.

Os interesados poderán cursar a súa solicitude, acompañada da pertinente documentación (imprimido debidamente cuberto, fotocopia DNI, fotocopia Libro Familia, xustificación ingresos 2013 e dos gastos de aluguer) no Centro Social de Ortigueira ata o día 13 de decembro.