Comeza a reparación do tramo danado no Paseo de Panxón

O Servizo Provincial de Costas inicia as obras de reparación do tramo do Paseo de Panxón afundido o pasado mes setembro como consecuencia dos fortes temporais e marusías. Así informa o rexedor municipal, Alberto Valverde, que visitou a actuación coa Xefa de Costas en Pontevedra, Cristina de Paz, e co concelleiro de Vías e Obras, José Álvarez.

A actuación, financiada ao 100% polo Servizo Provincial de Costas cun investimento de 25.000 euros, consiste na reparación dun tramo duns 20 metros do Paseo de Panxón, mediante o reforzo con formigón e posterior recheo, “co obxectivo de evitar futuros derrubes e fochas neste tramo en concreto no futuro”, sinala Valverde, quen engade que, se as condicións meteorolóxicas permíteno, “a obra debería estar finalizada nun prazo máximo de 15 días”.

Así mesmo, Costas está a aproveitar esta actuación para acometer a reposición e mellora da escaleira de acceso ao areal situada ao final do paseo de Panxón.