Cabanas acolle a segunda sesión de Tempo de Familias
Este próximo xoves, 21 de novembro, terá lugar a segunda sesión da actividade “Tempo de Familias. Compartindo Experiencias” que organiza o Concello de Cabanas a través dos seus Servizos Sociais e o seu programa de Educación Familiar. Esta actividade está dirixida a familias con bebes e nenos e nenas con ata cinco anos de idade. O lugar escollido para esta será o Antigo Concello de Cabanas, ás 17:00 horas. Esta sesión levara por título “Imos educar persoas extraordinarias”.
Con esta actividade búscase sobre todo asesorar ás familias e responder as súas dúbidas, facendo entender que os primeiros anos son fundamentais na formación da persoa e a importancia de facer unha estimulación axeitada en cada unha das fases do crecemento. Nas diferentes sesións que se realizarán ó longo do curso, ofreceráselles ás familias ideas, recursos e ferramentas que sirvan para dar apoio e reforzar ás persoas que se ocupan da crianza dos nenos e nenas.
Aquelas persoas que estivesen interesadas en participar neste programa inda teñen tempo de formalizar a súa inscrición ou recadar máis información. Para iso non teñen máis que poñerse en contacto cos Servizos Sociais do Concello de Cabanas no teléfono 981 49 59 59 extensión 2.