Afeccións no tráfico en varias rúas coruñesas

A Concellaría de Tráfico, Mobilidade e Uso e Utilización do Dominio Público informa das seguintes afeccións:

-Desde hoxe  e até o próximo 5 de decembro será necesario o corte parcial de carrís en avenida Primo de Rivera e Cigarreras nos que se atopen situadas as tapas de rexistro, mantendo en todo momento un carril de circulación para cada sentido.

-Durante as noites de hoxe día 27 e mañá xoves 28 en horario de 22.00 a 7.00 horas, será necesario o corte do carril esquerdo en ambos os sentidos de circulación nas rúas Sánchez Bregua, Cantón Grande e Cantón Pequeno, por reparacións de iluminación.

-Desde mañá xoves 28 e até o venres 29 de novembro será necesaria a ocupación de carril para os traballos de pintado nas avenidas da Universidade e García Sabell e en Matogrande, manténdose a circulación en todo momento.