A Policía Local de Neda ofrecerá charlas de seguridade vial nos locais das asociacións de veciños de Anca e do Roxal

No marco da campaña “Mira que te miren”, da Dirección Xeral de Tráfico, a Policía Local de Neda impartirá mañá mércores sendas charlas sobre seguridade vial nos locais das asociacións de veciños de Anca (ás 18,30 horas) e do Roxal (ás 20 horas). En ambos casos, a asistencia é libre e gratuíta e están dirixidas fundamentalmente a peatóns maiores de 65 anos residentes na zona rural. As charlas continuarán o xoves no local social de Ancos (17,30 horas) e venres, no local social de Viladonelle (19 horas).