A Mancomunidade de Ferrol aproba a contratación dun técnico de inserción laboral para Narón, Valdoviño e Cedeira

O alcalde de Ferrol, Jose Manuel Rey Varela, presidiu esta tarde una nova sesión ordinaria da Mancomunidade de Municipios da Comarca de Ferrol, en que se deu luz verde a proposta realizada pola Comisión de Selección dun técnico de inserción laboral para o desenvolvemento do Programa Territorio de Emrego 2013-2014. Esta iniciativa, da Consellería de Traballo e Benestar da Xunta de Galicia e á que se adhire o organismo supramunicipal, permitirá aos concellos de Cedeira, Narón e Valdoviño dispoñer dun técnico de inserción laboral.

A Administración autonómica concedeu á Mancomunidade unha subvención de 42.000 euros que se empregará na contratación deste técnico de inserción laboral, co que a entidade que preside Rey Varela  pon en marcha unha nova proposta mancomunada, que nesta ocasión beneficia directamente a tres municipios: Narón, Cedeira e Valdoviño.