A IX mostra de teatro de Malpica achega a obra “Curriculum Vitae” e “Facer o Sueco”
Mañá venres día 29 de novembro continua a IX Mostra de Teatro de Malpica coa obra “Curriculum vitae” da compañía Redrum Teatro. Baixo a dirección de Alex Sampayo, Mónica García e Guillermo Carbajo protagonizan esta divertida comedia que foi galardonada con premio María Casares ao mellor texto orixinal e á Mellor Música.
SINOPSE “Curriculum Vitae”:
“Curriculum Vitae”, unha comedia sobre entrevistas de traballo na que asistiredes, a través da invisible cuarta parede dunha oficina, a esas “curiosas” escenas que teñen lugar entre dúas persoas, cando unha delas está sendo xulgada pola outra para acceder a un posto de traballo. Humillación, enchufismo, ineptitude, mala hostia, abuso… vanse sucedendo nas cinco pezas que compoñen a obra para mostrar a crúa realidade do mundo laboral. Iso si, todo contado dende o humor, que é a mellor maneira de ver as cousas serias.
FACER O SUECO, o 30 de novembro
Por outra banda, o sábado 30 de novembro o teatro amateur chegá á IX Mostra de Teatro de Malpica co espectáculo “Facer o sueco” do Grupo de Teatro Badius.
SINOPSE:
Tomé está nun apuro: o seu xefe sueco do IKEA vén á Coruña devolverlle unha visita. Como é de orixe esquimó, en Suecia cedeulle a súa muller, pero Tomé non está disposto a facer o mesmo. Entón, xunto co seu amigo Casio, un home moi calculador, recorre a unha solución que vai ocasionar unha gran lea.